«Հանդիպում Փրկչի հետ» / “Encounter with the Savior”
Երաժշտ: և կատարում՝ Աշոտ Աշիկյան

Աստծո խոսքը աստղ դարձած
Բեթղեհեմ է տանում քեզ,
Որ մսուրում խոնարհ պառկած
Քո Փրկչի հետ հանդիպես:
Կտեսնես դու Մանկան կողքին
Նրա մորը` Մարիամին,
Իսկ Հովսեփը` խոնարհ կանգնած,
Հետևում է հյուրերին:

Դու կտեսնես Մանկան առջև
Թագավորներ խոնարհված,
Ու հովիվներ Մանկան շուրջը`
Հայացքներով զմայլված:

Երբ աշխարհը քնած է դեռ
Խորհրդավոր այս պահին,
Քո ականջին մեղմ կհնչեն
Ձայները հրեշտակների:

Որ երգում են ու հռչակում.
ՙՓառք Աստծուն բարձունքներում,
Երկրի վրա խաղաղություն
Ու մարդկանց մեջ հաճություն՚: